Юриспруденция багыты »

"Эл аралык, ишкердик укук жана саясат таануу" бүтүрүүчү кафедрасы 2016-жылы түзүлгөн. Кафедранын профессордук-окутуучулук курамы негизинен окумуштуулук наамы жана окумуштуулук даражасы бар жогорку кесипкөй адистерден, ошондой эле ЖОЖдун практикалык кызматкерлеринен жана бүтүрүүчүлөрүнөн түзүлгөн.
Кафедранын жамааты окуу, окуу-усулдук, илимий-изилдөө жана тарбиялык иштерди алып барат. Кафедранын профессордук-окутуучулук курамы эл аралык, республикалык, ЖОЖдор аралык мүнөздөгү конференцияларга, семинарларга, тегерек столдорго активдүү катышат. Юридикалык билим берүүнү өнүктүрүүнүн маанилүү багыты келечектеги юристтерди сапаттуу практикалык даярдоо болуп саналат.

"Юриспруденция" даярдоо багыты боюнча кафедранын билим берүү ишмердүүлүгү Кыргыз Республикасынын мамлекеттик билим берүү стандарттарынын негизинде жүргүзүлөт.
Биздин кафедрада "Юриспруденция"багыты боюнча квалификациялуу адистерди даярдоону камсыз кылып, сабактарды жана жеке иштерди, студенттер менен консультацияларды өткөрүү методикасы боюнча жетишээрлик чоң иштер жүргүзүлүүдө.

Багыты: "Юриспруденция"
Профили: "инвестициялык жана ишкердик укук"
530500" Юриспруденция " адистиги:

- Эл аралык бизнес-укук
- Улуттук жана маалыматтык коопсуздуктун укуктук негиздери
- Юридикалык психология
- Европа укугу
- Чыгыш укугу

Жыл сайын кафедранын кызматкерлери тарабынан методикалык материалдар, тесттер, практикалык сабактарга тапшырмалар, студенттер үчүн лекциялар кайра каралып, жаңыланып турат. Лекциялардын жана семинарлардын материалдары актуалдуу, Заманбап юриспруденциянын артыкчылыктуу багыттарын камтыйт.
Окуу процессине студенттердин билимин баалоонун модулдук-баллдык-рейтингдик системасы киргизилген. Бул үчүн суроолор, билеттер жана ар кандай деңгээлдеги тесттер иштелип чыккан. Сынактар изилденип жаткан предметтин бардык өткөрүлгөн материалдарын камтыган суроолордун тизмеси боюнча кабыл алынат.